Matteus 6 : 25 – 34 

Jesus praat & onderrig Sy dissipels – `n dissipel is letterlik `n nabootser van sy Leermeester : `n na-aper / “an imitator” 

Jesus propageer nie `n lewensstyl of lewensgesindheid van :

• Onbeholpenheid
• Lui
• Verkwistende
• Roekelose lewe nie 

Jesus VERBIED `n lewe wat afgemat van sorge is / `n bekommerde “vreeserigheid”: wat die “JOY” / VREUGDE uit die lewe wegneem. 

Bekommernis – merimnan (Grieks) is om met angs te “worrie” 

Jesus leer in hierdie gedeelte Sy dissipels die lewensles van:

• Verstandigheid
• Om met oorleg op te tree
• Voorsorg te tref
• Nugtere en kalme vertroue 

Vers 25 : God gee ons die lewe:

• Vertrou God dan vir die dinge wat noodsaaklik is om daardie lewe te onderhou 

Vers 26 : Jesus praat van die voëls:

• Dit gaan nie daarom dat die voëls nie werk nie
• Die PUNT is : die voëls “WORRIE” nie!! 

Vers 27 : Om te bekommer :

• Is SINLOOS
• Daar`s GEEN argument daarvoor aan te voer nie 

Vers 28 : Die blomme :

• Dis nie varkoor-lelies soos ons lelies ken nie
• Dis pers anemone & poppies wat wild groei in Palestina se velde
• Gedroog word dit gebruik vir vinnige hitte in klei-oonde – destyds
• Nou sê Jesus : Julle is veel meer werd as die blomme
• Julle is die KROON van die Skepping
• Ek SAL mos vir julle sorg – meer as vir die blomme 

Vers 32 : Bekommernis is :

• die karaktereienskap van die heidene
• Worrie is WANTROUE in God 

TWEE MANIERE OM “WORRIES” TE OORWIN sê Jesus : 

Vers 33 : Soek die Koninkryk

• Fokus op die Koninkryk
• Kom in lyn met God se Wil
• Wanneer God die dominante en heersende faktor in jou lewe word – oorwin jy bekommernis 

Vers 34 : Bekommernis verdwyn tweedens sê Jesus :

• Wanneer die dissipels die kuns bemeester om EEN DAG OP `N SLAG TE LEWE – VOLUIT!!!!! 

Johann Els

Goddelike soort liefde

• Ek maak die wilde stelling : “MEESTE CHRISTENE WEET EINTLIK NIKS VAN DIE AGAPE-LIEFDE NIE – hulle sê hulle weet, MAAR mens sien maar min en weinig van hierdie soort liefde in die kerke in Suid Afrika – selfs wêreldwyd!!!”
• Het jy die “guts” om iets hierop te sê????
• Ons SING Sondae in ons kleine kerk-gemeentes so lekker, hartlik, vol oortuiging saam met Retief Burger se lied “God is liefde juig ons harte……” oor die liefde
• Ons luister so lekker RADIOKANSEL en as liedere oor die liefde van God uitgesaai word voel ons so lekker warm
• Ons koop Gospel CD`s en luister hulle foos en oor en oor dieselfde klanke en word so gewoond daaraan dat die inhoud by ons verbygaan!!!!

MAAR WAAR IS DIE LIEFDE – DIE AGAPE – SIGBAAR IN DIE PRAKTYK VAN ONS LEWENS????????

• Is baie van ons nie ook dalk maar net SKYNHEILIG & WIT GEPLEISTERDE GRAFTE MET DOOIE BEENDERE IN AS DIT KOM BY DIE KERN VAN ONS GODSDIENS – AGAPE LIEFDE – NIE??

• Sê JY MAAR SELF VIR GOD HOE JOU SAKE STAAN HIEROOR!!!!!

Paulus se beste – ALLERBESTE – pad vir die Christen is die pad van die liefde. Dis die vaste kos van God se grondwet vir Sy kind.

Wat is die agape?

• Dis Goddelik –
• dis die suiwerste distelering van God se EIE AARD!!!.
• Dis God se GEAARDHEID!
• DIS die rede dat God se hart gespyker is aan `n kruis.
• Toe Hy sê : “ EK HET LIEF “.
• God sê : Ek GEE!!!!

Agape (Griekse woord vir Goddelike liefde) – was nie `n algemene gebruikte woord voor die N.T. geskryf is nie.

`n NUWE WOORD VIR `n NUWE  IDEE!!

• Met die kwaliteitsinhoud en betekenis van die kruis.
• Dis `n liefde vir die uiterste misrabele onwaardige sondaar.
• Dis `n liefde wat kwistig gegieter word op `n ander een sonder dat die gedagte eers opkom óf hy/sy waardig is om die liefde te ontvang of nie.
• Dis `n liefde wat spontaan volg uit die hart van `n Christen
• as gevolg van sy nuwe geaardheid.

Geen meriete berekening word vooraf gedoen

• óf jy moet liefhê of nie.

• Dis `n liefde wat Christene ervaar van God toe hulle nog sondaars was

• en nou getransformeer is deur die ervaring van om self so lief gehê te word EN self SO liefde te GEE!!!

• VERNIET / SONDER MERIETE / VRY & VERNIET

In letterlike praktiese Afrikaans vertaal ek die Griekse teks van 1 Kor 13 se eerste vers min of meer as volg :

“Al sou ek – sê nou maar – kon praat met die gekombineerde welsprekenheid van mense en engele sodat ek mense so kon roer en in beweging kon bring en aanspoor tot ongekende hoogtes met die fanfare van woorde wat klink soos die van eggoklanke van geklopte koper simbale – en ek doen dit sonder die soort liefde wat eie aan God se aard is – dan word ek nie SOOS klinkende metaal of galmende simbale nie –       DAN WORD EK (dan is ek) niks anders as net `n harde bar geraas met eggoklanke (klanke wat al in die rondte trek en nêrens effek het of vasslaan in die praktyk nie) wat minder as niks werd is nie.”

Die beste spraak van aarde en hemel sonder agape-liefde is niks anders as `n groot geraas nie.

Johann Els

Vergifnis! Vergifnis! Vergifnis! Of wat sê jy?

Kan jy iets hoegenaamd hieroor sê in jou eie lewe?

Wees `n slag eerlik met jouself en eg-opreg met God hieroor. Of kruip jy weg agter jou eie kastige onskuldigheid?

Ek daag jou uit om te reageer oor hierdie ding – genaamd VERGIFNIS!! Komaan – vat die uitdaging – laat van jou hoor.

Ef 4:31-32 Alle bitterheid en woede en toorn en geskreeu en lastering moet van julle verwyder word, saam met alle boosheid. Maar wees vriendelik en vol ontferming teenoor mekaar; vergeef mekaar soos God ook in Christus julle vergewe het.

Ef 4:31 – 32 beveel ons om van alle bitterheid in ons lewens ontslae te raak en ander te vergewe soos wat ons vergewe is.

• Om ander te vergewe is absoluut noodsaaklik vir ons om regtig in vryheid voor die Here te stap.
• 2 Kor 2:10-11 waarsku ons teen satan wat onvergewensgesindheid sal misbruik tot jou eie nadeel.

2Kor 2:10-11 Aan wie julle iets vergewe, vergeef ek ook; want wie ek ook vergeef het—as ek iets vergeef het—dit was om julle ontwil voor die aangesig van Christus, sodat ons nie deur die Satan bedrieg sou word nie; want ons is met sy planne nie onbekend nie.

* Vergewe is nie vergeet nie.

* Vergifnis is ‘n keuse van jou wil.

* Vergifnis beteken dat jy bereid is om met die gevolge van ‘n ander persoon se sonde te leef.

* Moet nie vir die ander persoon wag om vergifnis te vra nie.

* Vergewe uit jou hart uit.

* Dit beteken om te kies om nie iemand se dade teen hulle te hou nie.

Moet nie wag tot jy reg voel om te vergewe nie dan sal jy nooit vergewe nie! Sodra jy kies om te vergewe,  verloor satan sy mag oor jou op daardie terrein in jou lewe en sal God deur sy Heilige Gees jou ver- wonde emosies genees.

Vryheid is wat jy onmiddellik ontvang, maar nie noodwendig onmiddellike verandering van gevoelens nie.  Dit kom met verloop van tyd.

Johann Els

Uiteindelik het ons alle hoop laat vaar om gered te word. … Maar selfs in hierdie omstandighede vra ek julle: Hou moed! (Handelinge 27: 20-22).

Om moed te hou beteken:

• Om ten spyte van die negatiewe dinge wat jy beleef steeds glo dat daar hoop is
• Wanneer geen ander saak wat meer hoop kan gee as die betroubare Woord van God nie
• Om die Woord te ken omdat Hy sy beloftes deur die Woord aan ons gee

1. MENSLIKE BEREKENINGS LOOP DEURMEKAAR

Paulus het hom op die keiser beroep en moes as gevangene na Rome geneem word. Hy en ‘n paar gevangenes word op ‘n skip geplaas en die lang seereis word begin. Daar is  vertragings, omdat die skip van die regte winde afhanklik is. Toe die seisoen begin draai het en die gevaar van stormweer in die winter groot geword het, moes hulle besluit om iewers te oorwinter.

2. GODDELIKE BELOFTES GEE HOOP

Die Here het Paulus verseker dat hy veilig in Rome sou aankom. Ten spyte van die stormweer en hulpeloosheid van die skip op die see het Paulus geglo. As mense se berekenings nie meer hoop gee nie, is die vaste beloftes van God steeds waar. Om moed te hou beteken dat ‘n mens ten spyte van die negatiewe dinge wat jy beleef, steeds glo dat daar hoop is. Dit is om te midde van die stormwinde en brekende golwe steeds te glo dat jy lewendig jou bestemming sal bereik. Mense wat moed hou is mense wat nog dinge doen. Die moedelose persoon trek hom egter terug, kla net, is nie bereid om iets te probeer nie. Dis die moedelose persoon wat ‘n hele groep mense, ‘n gemeente, ‘n skool, ‘n volk negatief kan beïnvloed. Daarteenoor is dit die een wat hoop het wat ook ander mense moed inpraat, motiveer en inspireer.

Hoe tree jy op, – in hierdie baie moeilike tye van ons eie geskiedenis in Suid Afrika?????

Gee jou optrede hoop omdat jy moed hou, of sleep jy met jou negatiewe woorde en dade mense die afgrond in?

Weet jy? Jy kan moed hou en positief optree. Dis nie nodig om moedeloos te word nie.

Waarom?

• Omdat jy meer behoort te weet as die ongelowige
• meer insig het as die persoon wat ver van God leef
• omdat jy jou lewenspad saam met God loop.

Jou ore moet gespits wees vir die stem van God, jou oë moet gerig wees op die einde wat Hy vir jou bestem het. Dan sal jy ook wanneer die lewensgolwe oor jou slaan kan moed hou.

3. MENSLIKE BEREKENINGS LOOP DEURMEKAAR

Een van die redes waarom mense dikwels moedeloos raak, is omdat die planne wat ons maak dikwels nie uitwerk nie.UITEINDELIK HET HULLE ALLE HOOP LAAT VAAR OM GERED TE WORD!

276 benoude hulpelose mense vasgevang op ‘n hout seilskip. Geen hoop op uitkoms nie, net stormsee, golwe wat die boot vol water slaan, net op hulle sintuie en seevaart ervaring ingestel.

4. GODDELIKE BELOFTES GEE HOOP

Die menslike berekenings van winde en beskutte hawens het nie uitgewerk nie. Waarheen nou? Is daar enige hoop? Wat kan weer moed gee? 1. Die omstandighede is so duidelik negatief  2. dat dit net ‘n dwaas sou wees wat moed het.  3. Die ander het hulle al begin gereed kry vir die ergste.

Tog was Paulus nie deel van die moedverlore groep nie. Hy neem die leiding in die stormweer en uitsigloosheid. As die mens se planne op hopeloosheid uitloop, ken Paulus die God in wie se diens hy gestaan het en ter wille van wie se evangelie hy ‘n gevangene was. Ons lees: Nadat hulle ‘n lang tyd nie meer geëet het nie, het Paulus tussen hulle gaan staan en gesê: “Manne, julle moes na my geluister het en nie van Kreta af weggevaar het nie. Dan sou ons hierdie ramp en skade vrygespring het.” (Handelinge 27:21).

5. VERTROU VANDAG OP GOD SE BELOFTES

‘n Paar dinge in hierdie aangrypende verhaal maak God se getrouheid aan ons bekend.

Die voorbeeld van sy dade gee vir elke kind van God hoop – waar en wanneer hulle ook al in moedeloosheid verval. Maar God toon ook aan ons sy genade om Paulus te versterk in sy geloof sodat hy – teen alle normale gebruike in – as gevangene die leiding op die skip neem. Sy geloof, sy bereidheid om sy geloof voor almal te bely en sy moedige optrede was ‘n kragtige getuienis op ‘n tydstip toe alle hoop laat vaar is.

God moedig ons in hierdie geskiedenis aan om op Hom te vertrou, ook wanneer almal rondom ons handdoek ingooi.

Die moeilike situasies waarin ons in ons lewe beland sak soms soos ‘n skielike storm op ons toe. Die een dag is dit ‘n sagte seebries, maar dit kan in ‘n oomblik in stormweer ontaard. Hoe lank dit aanhou weet ons nie, waarheen dit ons neem kan ons nie bepaal nie. Ons kan as mense die beste maak wat ons kan, maar dikwels kan dit aan die nood niks verander nie.

God moedig ons aan om nie moed op te gee as dit lyk of alles daarmee heen is nie.

Sy Woord is die kompas vir die lewe. Al verskyn daar nie ‘n engel aan jou om jou van God se bystand te verseker nie, het ons die betroubare Woord van God. Daaruit weet ons dat – soos vir Paulus – God self met ons is. Hy lei ons op ‘n koers waarlangs ons ons bestemming sal bereik. Sonder om die besonderhede daarvan aan ons bekend te maak weet ons dat ons in sy hande veilig is.

Waarheen gaan ek dan as die storms van die lewe my heen en weer begin gooi? Waar kry ek moed vir môre as die son vandag nie skyn nie?

Nie in die planne wat mense kan maak nie, maar in die vaste beloftes van God. Daar is dus een verantwoordelikheid wat ons nie moet nalaat nie. Dit is om onsself voortdurend aan God se beloftes te herinner. Nie om ander mense daaroor te hoor praat nie. Ons moet self met die onfeilbare Woord van God besig bly. Oordink dit, leef daarvolgens, beleef hoe die beloftes van God waar word in jou lewe, dan sal jy ook soos Paulus kan opstaan as almal alle hoop wil laat vaar en uit jou hart uit kan sê:

“Hou moed, mense! Ek vertrou op God dat alles net so sal gebeur soos Hy vir my gesê het! Ja, ek ken Hom uit ervaring”.

Jou geloof en jou optrede as kind van God moet ander mense moed gee.

Johann Els

Kan ek en jy vandag die Here se stem hoor?

Hoe onderskei ek die stem van die Heilige Gees van ander invloede, of my eie denke?

Hoe onderskei ek tussen God se stem, Satan se stem, en my eie wil?

Toets dit met ‘n paar vrae

• Glo jy dat die Heilige Gees met jou kan praat?
• Hoekom wil jy God se stem hoor?
• Wil jy alles hoor wat God vir jou wil sê?
• Of net dit wat jy wil hoor?
• “Hoor” jy kontrasterende dinge?

Daar kan `n gevaar wees in die soek na van hierdie dinge.

Jeremia waarsku teen die vals profete. Jer 23 : 16 – 17; Jer 23 : 30 – 33

• Oppas wat jy hoor, wat mense vir jou sê
• Wees versigtig wat jy vir wie vra
• Wees baie versigtig vir waarsêery!!
• Oppas vir mense wat “sien”en dan jou toekoms voorspel in die naam van profesie
• Mense vertel graag vir mense wat hulle wil hoor in die naam van die Here

Hoe hoor ek God se stem?

• Maak seker dat jou motief reg is
• Gaan in diep afhanklikheid na die Here toe
• Wees bereid om dit wat Hy sê te gaan doen
• Kom onder die leiding van die Heilige Gees
• Vra vir die Here om jou te vervul met die Heilige Gees
• Maak jouself skoon voor die Here wees `n  suiwer kanaal
• Wees baie ernstig met God
• Moenie die Here probeer manipuleer of afdreig nie
• Vra vir Hom vir ‘n antwoord, moenie jy vir Hom die antwoord gee nie

Hoe toets ons of iets van die Here af kom?

• Die Heilige Gees praat met ‘n sagte innerlike stem en nooit oorhaastig nie
• Die Heilige Gees oortuig van sonde, Satan beskuldig
• Dis altyd in ooreenstemming met die Woord van God (die Bybel)
• Die Heilige Gees lei, Satan domineer
• Die Heilige Gees soek ons samewerking, Satan forseer
• Die Heilige Gees wys ons het genade en waarde voor God, Satan kraak af
• Die Heilige Gees motiveer, Satan manipuleer
• Die Heilige Gees inspirer, die satan intimideer
• Die Heilige Gees praat altyd met ‘n positiewe stem en ‘n positiewe gesindheid, die satan wek negatiwiteit in ons op.

Johann Els